हेरले येथे प्रकाश आंबेडकर यांचे जंगी स्वागत
हेरले /(प्रतिनिधी):-हेरले ( ता.हातकणंगले)वंचित बहुजन आघाडीचे पक्षप्रमुख बाळासाहेब आंबेडकर यांची आरक्षण बचाव यात्रा कोल्हापूर येथून सांगली कडे रवाना होताना हेरले येथे वंचित बहुजन आघाडी, मुस्लिम समाजा व नाभिक समाजाच्या वतीने तसेच जेष्ठ नागरिक संघटनेच्या वतीने प्रकाश आंबेडकर यांचे जंगी स्वागत करण्यात आले.
ओबीसींचे आरक्षण वाचले पाहिजे,ओबीसी मध्ये होणारी घुसखोरी थांबली पाहिजे आणि एस.सी, एस.टी घटकाला शासकीय नोकरीत पदोन्नती मिळाली पाहिजे हे सर्व मुद्दे घेऊन ही यात्रा मुंबई येथून निघाली आहे. याचा समारोप औरंगाबाद येथे होणार आहे या यात्रेला हातकणंगले तालुक्यातील सर्व ओबीसी घटकांचा,एस.सी,एस.टी घटकांचा मोठ्या प्रमाणात पाठिंबा मिळाला हातकणंगले येथे कॉर्नर सभा घेऊन ही यात्रा सांगलीकडे रवाना झाली.
या प्रसंगी वंचित बहुजन आघाडीचे हातकणंगले तालुकाध्यक्ष आशपाक देसाई उद्योजक सरदार आवळे ,माजी उपसरपंच बख्तियार जमादार,मुनीर जमादार, माजी सरपंच रियाज जमादार,माजी ग्रामपंचायत सदस्य सुरेश कदम नाभिक समाज व वंचित चे अध्यक्ष दादासो काशीद,मुस्लिम समाज माजी अध्यक्ष अल्लाउद्दीन खतीब, युवराज काशीद, तानाजी काशीद,अभिजीत काशीद,चंद्रकांत काशिद, डेविड लोखंडे,अमोल धुळे,राहुल धुळे संताजी खाबडे,बटूवेल कदम, निखिल कोले, सतीश करणे संजय शिंदे, प्रशांत खाबडे, सचिन कोले, रियाज जमादार (जाकी),इमाम जमादार,सलीम मुल्ला, राजू मुल्ला,रफिक तांबोळी यांच्यासह गौतम ज्येष्ठ नागरिक संघटना,नाभिक संघटना ,ओबीसी मुस्लिम संघटना व वंचित बहुजन आघाडीचे सर्व कार्यकर्ते उपस्थित होते.
