कोजिमाशि’ च्या चेअरमनपदी राजाराम शिंदे तर व्हा. चेअरमनपदी शरद तावदारे यांची बिनविरोध निवड
कोल्हापूर, (प्रतिनिधी):-कोल्हापूर जिल्हा माध्यमिक शिक्षण सेवकांची सहकारी पतसंस्थेच्या नुतन चेअरमनपदी. राजाराम आनंदा शिंदे(प.पू.शामराव महाराज ज्ञानयोग हायस्कूल माजगाव ता.पन्हाळा ) यांची तर व्हाईस चेअरमनपदी शरद धोंडीराम तावदारे (सानेगुरुजी हायस्कूल कुरुंदवाड ता. शिरोळ) यांची संचालक मंडळाच्या बैठकित बिनविरोध निवड करण्यात आली . या निवडी शिक्षक नेते दादासाहेब लाड यांच्या मार्गदर्शनाखाली झाल्या .बैठकीच्या अध्यक्षस्थानी निवडणूक निर्णय अधिकारी उदय उलपे होते . निवडीनंतर समर्थकांनी फटाक्यांची आतषबाजी करून गुलालाची उधळण केली .
निवड प्रक्रियेचे वाचन मुख्य कार्यकारी अधिकारी जयवंत कुरडे यांनी केले .
शाहुुपुरी येथील मुख्य कार्यालयात झालेल्या या बैठकित चेअरमनपदासाठी राजाराम शिंदे व व्हाईस चेअरमनपदासाठी शरद तावदारे यांचे एकमेव अर्ज दाखल झाल्याने निवडणूक निर्णय अधिकारी उदय उलपे यांनी या निवडी बिनविरोध झाल्याचे घोषित केले . चेअरमन पदासाठी राजाराम शिंदे यांचे नाव संचालक डॉ दत्तात्रय घुगरे यांनी सुचविले व त्यास राजेंद्र रानमाळे यांनी अनुमोदन दिले तर व्हाईस चेअरमन पदासाठी शरद तावदारे यांचे नाव संचालक उत्तम पाटील यांनी सुचविले . व त्यास अनुमोदन अनिल चव्हाण यांनी दिले
यावेळी संचालक बाळ डेळेकर, राजेंद्र रानमाळे , अनिल चव्हाण , मदन निकम, श्रीकांत कदम, श्रीकांत पाटील , सुभाष खामकर , अविनाश चौगले , दिपक पाटील , राजेंद्र पाटील , जितेंद्र म्हैशाळे ,प्रकाश कोकाटे, पांडुरंग हळदकर , मनोहर पाटील , सचिन शिंदे , सौ .ऋतुजा पाटील , शितल हिरेमठ आदीसह उपमुख्य कार्यकारी अधिकारी उत्तम कवडे , संगणक अधिकारी नितीन शिंदे उपस्थित होते.
निवडीनंतर नुतन चेअरमन , व्हाईस चेअरमन यांचा सत्कार शिक्षक नेते दादासाहेब लाड यांच्या हस्ते करण्यात आला . सभासदांनी ‘ स्वाभिमानी सहकार ‘ आघाडीवर विश्वास ठेवून चौथ्यांदा एकहाती सत्ता दिली . त्यामुळे सभासदांचे हित डोळ्यासमोर ठेऊन दिलेल्या वचननाम्याची वचनपुर्ती टप्याटप्याने केली जाईल अशी ग्वाही आघाडीप्रमुख दादासाहेब लाड यांनी यावेळी दिली.
आघाडीचे नेते दादासाहेब लाड यांनी आमच्यावर टाकलेला विश्वास सार्थ करण्यासाठी सर्वांना विश्वासात घेऊन काटकसरीचा व आदर्शवत असा पारदर्शी कारभार केला जाईल असे प्रतिपादन सत्काराला उत्तर देताना चेअरमन राजाराम शिंदे व व्हाईस चेअरमन शरद तावदारे यांनी केले .
