वडगावच्या भुयारी गटर योजनेस उपमुख्यमंत्री एकनाथ शिंदे यांचे नगरविकास विभागास तात्काळ मंजुरी देण्याचे निर्देश
पेठवडगाव : शहराच्या प्रस्तावित असणाऱ्या सुमारे 100 कोटी रुपये खर्चाच्या भुयारी गटर योजनेला उपमुख्यमंत्री एकनाथ शिंदे यांनी तात्काळ मंजुरी देण्याबाबत नगर विकास विभागास निर्देश दिलेले आहेत .तसेच शहराच्या हद्दवाढीचा प्रस्तावही सादर करण्याचे निर्देश दिले असल्याची माहिती आमदार अशोकराव माने यांनी दिली.
वडगाव शहराच्या हद्दवाढीसाठी तसेच प्रलंबित असणाऱ्या भुयारी गटर योजनेस मंजुरी मिळुन काम सुरु व्हावे यासाठी मंत्रालयात आमदार अशोकराव माने यांनी उपमुख्यमंत्री तथा नगरविकासमंत्री एकनाथ शिंदे यांची भेट घेऊन ही कामे मार्गी लावण्याची विनंती केली.भुयारी गटार योजना महाराष्ट्र सुवर्ण जयंती नगरोत्थान अभियान योजनेअंतर्गत प्रस्तावित आहे
सदर योजनेची क्षमता पाच दशलक्ष लिटर प्रति दिवस इतकी आहे या योजनेमुळे वडगाव शहरात तयार होणारे सर्व दूषित पाणी प्रक्रियेद्वारे शुद्ध केली जाणार आहे योजनेची अंदाजपत्रकीय किंमत 94 कोटी 57 लक्ष 79 हजार रुपये इतकी आहे,,
तसेच पेठ वडगाव या महसुली गावाचे संपूर्ण क्षेत्र 1505.49.63 हेक्टर एवढे असून त्यातील सध्याच्या वडगांव नगरपरिषद हदीत एकूण क्षेत्र 740 हेक्टर आहे. सध्याच्या वडगाव नगरपरिषदेत समाविष्ट नसलेले उर्वरीत क्षेत्र 768.49.63 हेक्टर एवढे असून या समाविष्ट नसणाऱ्या क्षेत्रात ग्रामपंचायत कार्यरत नसल्याने या क्षेत्राचा वडगांव नगरपरिषदेत हद्दवाढीने समावेश होणेबाबतचा प्रस्ताव शासनाकडे सादर करणेत आला आहे. नगरपालिकेची हद्दवाढ झालेली नसल्याने वडगांव महसूल हद्दीमध्ये होणाऱ्या विकासांवर नगरपरिषद अथवा इतर कोणत्याही प्राधिकरणाचे निर्बंध नसल्याने विकास कामे होत नाहीत. त्यामुळे वडगांव नगरपालिका क्षेत्राची महसूल हद्दीप्रमाणे वाढ होणे गरजेचे असल्याचे ना.शिंदे यांच्या निदर्शनास आणून दिले.यावर तातडीने प्रस्ताव सादर करून अंमलबजावणी करण्याचे निर्देश त्यांनी दिले.याबरोबरच महाराष्ट्र सुवर्णजयंती नगरोत्थान महाअभियान (राज्यस्तर) योजने अंतर्गत वडगांव शहरांतील वडगांव नगरपरिषदेच्या सुमारे 100 कोटी रुपये खर्चाचा भूयारी गटर योजनेच्या सविस्तर प्रकल्प तांत्रिक मान्यता घेऊन प्रशासकीय मान्यता मिळणेसाठी पाठविला असल्याने त्यालाही मंजुरी देण्याची विनंती आमदार माने यांनी केली. या प्रस्तावाची शासकीय स्तरावर तातडीने अंमलबजावणी करून या योजनेस मंजुरी देत असल्याचे निर्देश उपमुख्यमंत्री ना.एकनाथ शिंदे यांनी दिल्याचेही आमदार अशोकराव माने यांनी सांगितले.
