नागांव येथे ऊसाच्या फडाच्या आगीत होरपळून बिबट्याच्या पिल्लाचा मृत्यू
वाठार, (प्रकाश कांबळे):-नागांव ता हातकणंगले येथील गाडीवडर परिसरात अमित चिंतामणी सोळंकर यांचे शेत आहे मंगळवारी त्यांनी आपल्या शेतातील आडसाली फड पेटवून तोड चालू केली होती यावेळी ऊसाच्या फड पेटवला असता शेतात लपून बसलेल्या बिबटया ने पळ ठोकल्याचे ऊसतोड मजुरांनी सांगितले बुधवारी सकाळी शेतामध्ये शेतकरी गेले असता बिबट्याचे एक पिल्लू मयत झाल्याचे निदर्शनास आले त्यांनी तात्काळ ही माहिती वनविभाग व शिरोली एमआयडीसी पोलिसांना सांगितली त्यानंतर वन विभाग व पशुवैद्यकीय अधिकारी घटनास्थळी दाखल झाले वनविभागाने पंचनामा केला असता ते बिबट्याचे पिल्लू असल्याचे सांगितले पशुधन अधिकाऱ्यानी जागेवरच करून त्या बिबट्याचे दहन केले
यावेळी वनपाल एम एस पोवार, आर एफ ओ रमेश कांबळे, पशुधन अधिकारी अश्विनी बोंगार्डे, वनरक्षक विकास घोलप, आपत्तीकालीन विभागाचे अमोल चव्हाण, माजी पं स सदस्य उत्तम सावंत,नागावचे पोलीस पाटील बाबासो पाटील उपस्थित होते.
यावेळी वन अधिकाऱ्यांनी या परिसरात दोन दिवस ड्रोनच्या सहाय्याने एक टीम कार्यरत ठेऊन पाहणी करणार असल्याचे सांगितले. या पिल्याच्या शोधात बिबट्या रात्री येण्याची शक्यता आहे तसेच याची आणखीन पिल्ले या परिसरात असल्याची शक्यता आहे सद्या सर्वत्र ऊसतोड चालू आहे त्यामुळे शेतकऱ्यांनी सावधानता बाळगावी असे आवाहन त्यांनी केले आहे या घटनेमुळे नागाव परिसरात बिबट्याचा वावर असल्याचे सिद्ध झाल्याने नागाव परिसरात एकच खळबळ उडाली आहे.
